Кулун тутар 12 күнүнгэр биһиги нэһилиэккэ Россия Вести 1 канал кэлэн - Норуот маастардарбытын, уран тарбахтаах түмсүүлэрбитин уһулан, күөх экранынан көрөр үөрүүлээх солуннаах олоробут. Болугур нэһилиэгэр 4 норуот маастардаахпытынан киэҥ тутта кэпсээтибит. Ол курдук Болугур туойунан араас иһиттэри-хомуостары оҥорор Устинов Степан Прокопьевич, Болугур маһын ууһа - Федотов Егор Иннокентьевич, оҕуруонан иистэнэр - Михайлова Ульяна Майродовна, быысыбайдыыр - Стручкова Валентина Васильевна, удьурҕайынан сахалыы иһит - хомуос оҥорор ууспут - Михайлов Феликс Николаевич. Ону таһынан "Арчылаана" эбээлэр түмсүүлэрэ салю Иванова Ульяна Ивановна сүрдээх үчүгэйдик үлэлиир, кинилэр Мандар Уус Моҕол Ураһа проегар туоһунан иистэнэ сылдьаллар, "Чөмчүүк" тумсуу сал. Ефремова Оксана Константиновна эмиэ иистэнэллэр, араас быыстапкаларга кытталлар. Үөрүүлээх аһыллыытыгар "Арылхан", "Сарыада" фольклорнай бөлөх кыттыыны ыллылар. Барыларыгар айымньылаах, ситиһиилээх үлэни баҕарабыт.