Бэс ыйын 21 күнүгэр - Саха омуга үгүс үйэлэри уҥуордаан, сүрэҕэр - быарыгар чугастык тутан, ытыктаан кэлбит айылҕалыын алтыһар, этэ - хаана чэчириир, кута - сүрэ ыраастанар сүрүн бырааһынньыга - Өрөгөйдөөх Үрүҥ Тунах ыһыах, Улуу Кыайыы үбүлүөйдээх сылыгар ананан куйаар ситимин нөҥүө быһа көрдөрүүнэн ыытылынна.

- "Айыы алгыстаах төлкөлөөх түһүлгэ" ыһыах ыһыллыытын сиэрэ - туома Алгыс;

- "Тоҕус мэҥэ халлаанҥа сүгүрүйүү" дьон - сэргэ бары бииргэ Уйгу -быйаҥ көрдөһөн сүгүрүйүүнүоҥоруута;

- "Үрүҥ Тунах ыһыаҕынан" нэһилиэк баһылыга Кузьмин С.Н. ыһыах бэлиэтин Ытык Дуоҕаны киллэриитэ, эҕэрдэтэ;

- "Кымыс Айыы аһа" кымыс иһиитин сиэрэ - туома (нэһилиэк олохтоохторо, ыалдьыттар түөлбэлээн олорон быһа көрдөрүүнэн тэҥҥэ кымыс иһиилэрэ);

- "Күн оһуохайа" оһуохайы дьон - сэргэ быһа көрдөрүүнэн кыттыһыыта;

- "Алгыс арыаллаатын,кэрэ тулалаатын" ыһыах эҕэрдэ кэнсиэрэ;

- "Самаан сайыны Уруйдуу көрсөбүт" түөлбэлэринэн түһүлгэ көрүүтэ;

- "Сайылык оонньуулара" түөлбэ оҕолругар күрэх (ватсап, инстаграм нөҥүө);

- "Өбүгэ оонньуулара" эр дьоҥҥо илии - атах оонньуута (ватсап нөҥүө);

    Күндү бар дьоммут! Ыһыахха этиллибит Алгыс үрдүк ситиһиилэргэ кынаттаатын, кэрэни кэрэһэлээтин! Дойдубут туһугар бары биир сомоҕо буолан күүскэ үлэлиэҕиҥ, айыаҕыҥ, тутуоҕуҥ, чэгиэн буолуоҕуҥ!